काठमाडौं, १ चैत्र । पोखरामा चितुवाको आक्रमणबाट २ जना घाइते भएका छन् । श्रीकृष्ण मल्ल ठकुरी र राजेश तिमिल्सिना घाइते भएका छन् । उनीहरूको मेट्रोसिटी अस्पताल पोखरामा उपचार भइरहेको छ भने चितुवा मृतावस्थामा फेला परेको प्रहरीले जनाएको छ ।
स्थानीय मानिस, प्रहरी र वन कार्यालयको टोलीले नियन्त्रणमा लिने प्रयास भइरहेकोमा चितुवा मरेको अवस्थामा झाडीमा फेला परेको स्थानीयले जनाएका छन् ।
पोखरा महानगरपालिका १८ भकुण्डेस्थित ध्रुव थापालगायत ७ जनाले सामूहिक रुपमा सञ्चालन गर्दै आएको कालिज फार्मममा बुधबार बिहान करिब साढे ७ बजेतिरको समयमा फार्ममा अचानक चितुवा पसेको र सोही फार्ममा काम गर्ने कामदारलाई आक्रमण गरेको प्रहरीले जनाएको छ । File Photo
