एजेन्सी, २८ फागुन । ताइवानलाई लिएर अमेरिकासँग बढ्दो तनावको बीचमा चीनको सेनाले देशको सार्वभौमसत्ता र राष्ट्रिय हितको रक्षा गर्न युद्धकालीन कानूनको लागि जोड दिइरहेको छ। शनिबार एक प्रतिवेदनमा यो जानकारी दिइएको हो । हङकङको अखबार ‘साउथ चाइना मर्निङ पोस्ट’को समाचारअनुसार चीनको संसद ‘नेसनल पिपुल्स कंग्रेस’ (एनपीसी) को चालू सत्रमा पिपुल्स लिबरेसन आर्मी (पीएलए) का प्रतिनिधिहरूले यस्तो कानुन ल्याउन आग्रह गरेका छन्।
समाचारका अनुसार अमेरिकी सेना र गुप्तचर अधिकारीहरूले चीनले सन् २०२७ सम्ममा ताइवानसँग युद्ध गर्न सक्ने चेतावनी दिएका छन् । समाचारका अनुसार पीएलएका प्रतिनिधि वु शिहुआले चीनले सेनाका लागि कानुन बनाउनुपर्ने बताएका छन् । पीएलएका अर्का प्रतिनिधि ये डुबिनले युद्धका बेलाको आवश्यकतालाई ध्यानमा राखेर समयसापेक्ष र व्यवस्थित ढंगले युद्धकालीन कानुनको अध्ययन गर्नुपर्ने बताए।
बेइजिङले अमेरिकाले ताइवानलाई चीनविरुद्ध प्यादाको रूपमा प्रयोग गरिरहेको दाबी गरेको छ । गत महिना, चिनियाँ सांसदहरूले प्रस्तावलाई अनुमोदन गरे, जसले सेनालाई युद्धको समयमा फौजदारी प्रक्रिया कानून लागू गर्ने तरिका परिवर्तन गर्ने अधिकार दिन्छ।
शानडोङ प्रान्तको सैन्य जिल्लाका कमाण्डर झाङ लिकले चीनले त्यस्ता कानुन बनाउन दबाब दिनुपर्ने सुझाव दिए । दक्षिणी थिएटर कमाण्डका पूर्व कमाण्डर युआन युबाइले राष्ट्रिय रक्षासँग सम्बन्धित अन्तर्राष्ट्रिय कानुनको अध्ययन गर्नुपर्ने बताए। थाइवान स्ट्रेट, सेन्ट्रल र साउथ चाइना सीलाई लिएर बढेको तनावको बीचमा उनको भनाइ आएको हो । समाचारका अनुसार अमेरिकी सेना र गुप्तचर अधिकारीहरूले सन् २०२७ सम्ममा ताइवानमा द्वन्द्व हुन सक्ने चेतावनी दिएका छन्।
