काठमाडौं । केपी ओली कप राष्ट्रिय फुटबल च्याम्पियनसिपको उपाधि मछिन्द्र फुटबल क्लबले जितेको छ ।
दशरथ रंगशालामा बुधबार भएको फाइनलमा सातदोबाटो युथ क्लबलाई पेनाल्टी सुटआउटमा ५–३ गोल अन्तरले हराउँदै मछिन्द्रले उपाधि उचालेको हो ।
उपाधिसँगै मछिन्द्रले १० लाख नगद प्राप्त गरेको छ भने उपविजेता सातदोबाटोले ५ लाख नगद प्राप्त गरेको छ ।
फाइनल खेलमा एमाले अध्यक्ष केपी शर्मा ओलीको समेत सहमागिता रहेको थियो ।
