काठमाडौं । आईसीसी विश्वकप क्रिकेट लिग २ अन्तर्गतको खेलमा नेपालले स्कटल्याण्डलाई ३ विकेटले पराजित गरेको छ ।
कीर्तिपुरस्थित त्रिवि क्रिकेट मैदानमा भएको खेलमा स्कटल्याण्डले दिएको २७५ रनको चुनौती नेपालले ४७ ओभरमा पुरा गर्यो । लक्ष्य भेटाउन नेपालले ७ विकेटको नोक्शानी व्यहोर्नुपर्यो । नेपालका लागि दिपेन्द्र सिंह ऐरीले अविजित रहँदै सर्वाधिक ८५ रनको योगदान दिए ।
नेपालको जितमा कुशल मल्लले ६७ बलमा ८१ रनको जोडे । साथै ओपनर कुशल भुर्तेलले १६रन बनाउदा गुल्शण झाँ १५ रनमा पबिलियन फिर्किए ।
साथै ज्ञानेन्द्र मल्ल पनि ४ रन जोडेर आउट भए । आसिफ सेखले ९ तथा रोहित कुमार पौडेलले ६ तथा सन्दीप जोराले ६ रन बनाएर आउट भए ।
यसअघि टस हारेर ब्याटिङको निम्तो पाएको स्कटल्याण्डले पूरा ओभरको समाप्तिमा ९ विकेट खर्चिएर २७४ रन जोडेको थियो ।
स्कटल्याण्डका लागि माइकल लिस्कले ८५ बलमा ३ चौका र ९ छक्कासहित १०७ रनमा नट आउट रहे ।
नेपालका लागि सन्दीप लामिछानेले सर्वाधिक ३ विकेट लिए भने कुशल मल्लले २ विकेट लिए ।
