काठमाडौं, २९ माघ । अब सबै देशमा रहेका नेपाली दुतावासमा श्रमिकका लागि हेल्प डेक्स राखिने भएको छ । प्रधानमन्त्री पुष्पकमल दाहाल प्रचण्डको विषेश निर्देशन र पहलपछि श्रम,रोजगार तथा सामाजिक सुरक्षा मन्त्रालयले सबै नेपाली दुतावासहरुमा हेल्पडेस्क राख्ने निर्णय भएको हो ।
केही साता अघि प्रचण्डले श्रम मन्त्रालयका सचिव र अधिकारीहरुलाई बोलाएर वैदेशिक रोजगारीका क्रममा विदेशमा रहेको नेपालीहरुले अनेकौं झमेला र सास्ती भोग्नुपरेको भन्दै समस्या समाधान गर्न डेक्स राख्न निर्देशन दिएका थिए ।
विदेशस्थित विभिन्न मुलुकमा कार्यरत श्रमिक एवम् कामदारको समस्या सम्बोधन गर्न छुट्टै फोकल डेस्कको व्यवस्थासम्बन्धि माघ २५ गते निर्णय भएको हो ।
