काठमाडौं । विवेकशील साझाँ पार्टीले भोलीदेखि पहिलो महाधिवेशन गर्ने भएको छ ।
शुक्रबार बिहान १० बजे काठमाडौंको कमलादीस्थित नेपाल प्रज्ञा प्रतिष्ठानमा महाधिवेशन उद्घाटन गर्ने विवेकशील साझाँले जनाएको छ ।
महाधिवेशन उद्घाटन कार्यक्रममा अन्य दलका नेताहरूलाई पनि निम्तो दिइएको जनाइएको छ।
महाधिवेशनका लागि तयारी पूरा भएको एक नेताले जानकारी दिए । शनिबारसम्म चल्ने महाधिवेशनबाट पार्टीलाई नयाँ नेतृत्व दिने र नीतिगत रूपमा स्पष्टता दिने बताइएको छ ।
महाधिवेशनमा देशभरका महाधिवेशन प्रतिनिधि सहभागी हुनेछन् । महाधिवेशन प्रतिनिधिहरुले पार्टीको नयाँ नेतृत्व चयन गर्नेछन्।
