काठमाडौं । हाल देशमा पश्चिमी न्यून चापीय प्रणालीको सामान्य प्रभाव रहेको छ। आज सुदूरपश्चिम, कर्णाली, लुम्बिनी र गण्डकी प्रदेशमा आंशिक देखि सामान्य वर्षा हुने जल तथा मौसम विभागले जनाएको छ । बाँकी भू–भागमा मौसम सफा रहेको छ । अहिले तराइका भू–भागमा हुस्सु / कुहिरो लागेको छ।
आज दिउँसो सुदूरपश्चिम, कर्णाली, लुम्बिनी र गण्डकी प्रदेशमा सामान्य वर्षा हुने र बाँकी भू–भागमा मौसम बदली रहनेछ। उच्च पहाडी तथा हिमाली पहाडी भू–भागहरुका थोरै स्थानहरुमा हल्का हिमपातको सम्भावना रहेको छ।
त्यसैगरी, आज राती देशका पहाडी भू–भागमा वर्षा भई बाँकी भू–भागमा मौसम सामान्यतया सफा रहनेछ । देशको उच्च पहाडी तथा हिमाली पहाडी भू–भागहरुका एक वा दुई स्थानहरुमा हल्का हिमपातको सम्भावना रहेको छ।
