काठमाडौं । प्रधानमन्त्री पुष्पकमल दाहालले सात वटै प्रदेशमा हस्तकला उद्योग बिस्तार गर्ने प्रतिबद्धता व्यक्त गरेका छन् ।
शुक्रवार ललितपुरमा नेपाल हस्तकला महासंघको कार्यक्रममा प्रधानमन्त्री दाहालले हस्तकला उद्योगलाई सात वटै प्रदेशमा बिस्तार गर्ने प्रतिबद्धता व्यक्त गरेका हुन् । वागमती प्रदेशले हस्तकला उद्योगकलाई प्रवद्र्धन गर्ने कामको थालनी गरिसकेको भन्दै उहाँले सरकारले आगामी दिनमा सात वटै प्रदेशमा हस्तकला क्षेत्रको प्रवद्र्धन गर्ने बताएका छन् । हस्तकला नेपालका लागि विकासको अग्र्यानिक क्षेत्र भएको उल्लेख गर्दै प्रधानमन्त्री दाहालले नेपालकै वस्तुहरुको प्रयोगबाट नेपालीहरुकै सीप र जाँगरलाई प्रयोग गरी विश्वभर व्यापार गर्नसकिने यो क्षेत्रको प्रवद्र्धन सरकार लाग्ने बताएका छन् ।
प्रधानमन्त्री दाहालले आफूले यस पटक राम्रा बाहेकका काम गर्दै नगर्ने प्रण लिएको दोह¥याए । प्रधानमन्त्रीको तेस्रो कार्यकाललाई जनताको ठूलो अग्निपरीक्षाको रुपमा लिएको भन्दै उनले यसमा पास भएर देखाउनुपर्ने बताए । उनले विद्यालयको पाठ्यक्रममा नै हस्तकला समावेश गरेर पुस्तान्तरण गर्ने योजना अनुसार ११ लाख प्रत्यक्ष र परोक्ष सदस्यलाई बढाउँदै लैजाने प्रतिवद्धता जनाए ।
प्रधानमन्त्री दाहालले निजी क्षेत्रलाई राम्रो विश्वासमा नलिकन सरकारले अर्थतन्त्रमा देखापरेका समस्याको समाधान गर्न सम्भव नरहेको पनि उल्लेख गरे ।
