काठमाडौं । सुदुरपश्चिम प्रदेश संसदीय दलको नेता छान्न नेपाली कांग्रेसलाई सकस भएको छ । पार्टीले संसदीय दलको नेता छान्न निर्वाचन समिति नै गठन गरेको छ ।
प्रदेश उपसभापति लोकराज अवस्थीको संयोजकत्वमा पाँच सदस्यीय निर्वाचन समिति गठन गरेको हो । समितिको सदस्यमा उपसभापति जनकराज चौधरी, सहमहामन्त्री नरनारायण शाह, सुरत रावत र रामबहादुर देउवा रहेका छन् ।
नवगठित समितिले सर्वसम्मत चयन गर्न नसकेमा मतदानको प्रक्रिया अघि बढ्ने जनाइएको छ । दलको नेता छान्न कांग्रेस सुुदूरपश्चिमको पदाधिकारी बैठक पनि बसेको थियो ।
दलको नेतामा बहादुर सिंह, मेघराज खड्का, दिवानसिंह विष्ट, कमल शाह, शिवराज भट्ट, मानबहादुर रावल र प्रकाश देउवा आ–आफ्नो दाबी प्रस्तुत गरेका छन् ।
