काठमाडौं । शनिबार राति धादिङमा दुइटा माइक्रोबस ठोक्किदा २२ जना घाइते भएका छन् ।
थाक्रे गाउँपालिका–२ हुलाकडाँडामा दुई बस ठोक्किएका हुन् ।
काठमाडौंबाट गोरखातर्फ गइरहेको बा३ख ६१६४ नम्बरको माइक्रो र काठमाडौं आउँदै गरेको बा४ख ११८७ नम्बरको माइक्रो बस आपसमा ठोक्किएका थिए ।
दुर्घटनामा घाइतेहरुलाई थाक्रे पोलिक्लिनिक र अन्य अस्पतालहरुमा सामान्य उपचार पछि काठमाडौं पठाएको प्रहरीले जनाएको छ ।
घाइतेहरु मध्ये थाक्रेमा ७ जना, अन्नपुर्ण न्युरो अस्पतालमा ३, ट्रमा सेन्टरमा ८, मेडिसिटी अस्पतालमा २, सुभेक्षा अस्पतालमा २ जनाको उपचार भइरहेको छ ।
प्रहरीले एकजना चालकलाई नियन्त्रणमा लिएको छ भने अर्का चालक फरार रहेका छन् । घाइतेमध्ये एक जनाको अवस्था गम्भिर रहेको छ ।
