काठमाडौं । अबदेखि राति ११ बजेपछि पनि सिनेमा हलले फिल्म प्रदर्शन गर्न पाउने भएका छन् ।
चलचित्र विकास बोर्डले शान्ति सुरक्षाको आवश्यक व्यवस्था गरेर राति फिल्म प्रदर्शन गर्न सक्ने निर्णय गरेको हो ।
बोर्डले रातको समयमा फिल्म देखाउनुपरेमा बोर्डलाई जानकारी गराउनु पर्ने निर्णय पनि गरेको छ ।
यसअघि एकसाता अघि नै फिल्म सेन्सरलाई सिफारिस लिनुपर्ने नियमलाई परिवर्तन गर्दै अब रिलिजको चार दिन अघि मात्रै सिफारिस लिए हुन्छ ।
प्रदर्शक संस्था चलचित्र संघ चरणबद्ध आन्दोलनका कार्यक्रम घोषणा गर्दै विरोधमा उत्रिएको छ ।
अध्यक्ष भुवन केसीको अध्यक्षतामा बसेको बोर्ड बैठकले सेन्सरको नियममा लचिलो बन्ने निर्णय गरेको हो ।
नेपाल चलचित्र क्षेत्रका समस्याहरुको समाधानका र यस क्षेत्रको हितको लागि विभिन्न संघ(संस्थाहरुसँग वार्ता, छलफल तथा अन्तरक्रियाको लागि चलचित्र विकास बोर्ड सदैव तत्पर रहेको अध्यक्ष केसीले बताए ।
