काठमाडौं,१० पौष । नेपालकै प्रमुुख भन्सार नाकाको रुपमा चिनिएको वीरगन्ज भन्सारमा साना ठुला गरेर दुुई हजारभन्दा धेरै सवारी साधन थन्किएर बसेका छन् । सवारी साधन आयातकर्ताले वीरगन्जस्थित एकीकृत सुरक्षा जाँच चौकी आईसीपीमा ती सवारी थन्काएका छन् ।
बजारमा देखिएको आर्थिक अभावसंगै सवारी साधनको बिक्री घट्दो क्रममा रहेकाले भारतबाट आयात गरिएका १ हजार ८ सय साना,मझौला तथा ठुला सवारी व्यवसायिको शोरुम तथा गोदाममा हुनुपर्ने भए पनि हाल वीरगन्ज भन्सार कार्यालय परिसरमा थन्किएको छ ।
सरकारले बिलासिताका वस्तुु खरिदमा रोक लगाएसंगै बैंकहरुले समेत सवारी साधन खरिदका लागि ऋण नदिने भएको हो । जसका कारण आयातकर्ताले भन्सारबाट सवारी साधनको जाँचपास गराउन सकेका छैनन् ।
