काठमाडौं, २ पुस । स्वतन्त्र निर्वाचित भएका सांसदहरुले सिंहदरबारभित्र कार्यालय राख्न पाउने व्यवस्था रहेको छ । संघीय संसद सचिवालयले स्वतन्त्र रुपमा निर्वाचित भएका सांसदहरुलाई एउटा कोठाको व्यवस्थापन गर्ने जनाएको छ ।
सचिवालयको अनुसार स्वतन्त्र सांसदलाई एउटा कोठा दिइने पहिले देखिकै अभ्यास छ । नेकपा एमाले त्यागेर स्वतन्त्र रुपमा निर्वाचित भएका प्रभु साह, अमरेशकुमार सिंह, लालवीर चौधरी, योगेन्द्र मण्डल र किरणकुमार साहलगायत स्वतन्त्र रुपमा निर्वाचित भएका छन ।
नेपाल मजदुर किसान पार्टीका प्रेम सुवाल अघिल्लो चुनावमा पनि पार्टीबाट एक्लै निर्वाचित भएका थिए भने भर्खरै सम्पन्न भएको चुनावमा पनि उनी भारी मतान्तरले निर्वाचित भएका हुुन । त्यस्तै निर्वतमान सांसद राष्टिय जनमोर्चाकी दुुर्गा पौडेललाई एउटा कोठा दिइएको थियो । अहिले उक्त पार्टीबाट चित्रबहादुर केसी निर्वाचित भएका छन् ।
