काठमाडौं, २५ मंसिर । काठमाडौं महानगरपालिकाका ११ प्रमुख र ११ प्रमुख प्रशासकीय अधिकृत बिच मैत्रीपूर्ण फुटबल खेल हुने भएको छ ।
खेल भोली (सोमबार) बिहान ८ बजे त्रिपुरेश्वर स्थित दशरथ रंगशालामा हुने महानगरले जनाएको छ ।
२८औँ महानगर दिवसको अवसरमा यस खेलको आयोजना गरिएको हो । महानगर दिवसका अवसरमा आज कुर्सी दौड प्रतियोगिता आयोजना गरिएको थियो ।
प्रतियोगिताको शुभारम्भ गर्दै उपप्रमुख सुनिता डंगोल केही फन्को घुम्नु भएको थियो । साथै, यसै अवसरमा महानगरले बागमति नदीको सफाई, कर्मचारीबीच हाजिर जवाफ लगायतका कार्यक्रमको आयोजना गरिरहेको छ ।
