काठमाडौं । नेपाल बार एसोसिएसनले सर्वोच्च अदालत परिसरमा शुक्रबार पनि धर्ना दिने भएको छ ।
निलम्बित प्रधानन्यायाधीश चोलेन्द्र शमशेर जबरालाई सर्वोच्च अदतलमा प्रवेश रोक्नका लागि नेपाल बार एसोसिएसनले शुक्रबार पनि धर्ना दिने भएको हो ।
बारका पदाधिकारी एवं सदस्यहरूले बुधबार दिउँसोको धर्ना समापन गर्दै बिहीबार विदा भएका कारण शुक्रबार १० बजेबाट पुनः धर्ना बस्ने बताएका छन् ।
संसद् सचिवालयका महासचिव भरतराज गौतमले जबरामाथिको महाभियोग निस्प्रभावी भएको भन्दै पत्र पठाएपछि जबरा सर्वोच्च जाने तयारीमा रहेको खबर पाए लगत्तै बारका पदाधिकारीहरु धर्ना दिन पुगेका थिए ।
