स्वर्ण पदक विजेता बुढालाई एसिया इन्टरनेसनल स्कुलकाे सम्मान  | ईमाउण्टेन समाचार

Our Network

फागुन १६ २०८०, बुधवार

स्वर्ण पदक विजेता बुढालाई एसिया इन्टरनेसनल स्कुलकाे सम्मान 

जुम्ला। नवौँ राष्ट्रिय खेलकुद प्रतियोगितामा स्वर्ण पदक विजेता कीर्तिमानी धावक दुर्गबहादुर बुढालाई एसिया इन्टरनेसनल बोर्डिङ स्कुल जुम्लाले  सम्मान गरेको छ । खेलाडीलाई उत्साहित र हौसला बढाउन सम्मान गरेकाे हाे ।  नवौँ राष्ट्रिय खेलकुद प्रतियोगितापछि पोखरा, नेपालगन्ज हुँदै गृह जिल्ला जुम्ला आइपुगेका बुढालाई खादा र अबिरले स्वागत तथा सम्मान गरिएको स्कुल सञ्चालक मनोज बुढाथोकी मगरले बताए ।

पोखरामा सञ्चालित राष्ट्रिय खेलकुदकाे तीन हजार मिटर दौड प्रतियोगितामा जुम्लाका बुढा प्रथम भएर स्वर्ण पदक जितेका थिए । उनी कर्णाली प्रदेशकै पहिलो स्वर्ण पदक जितेका समेत हुन् । बुढाले एथलेटिक्सतर्फको तीन हजार मिटर स्टेबल चेस पुरुषतर्फको खेलमा कर्णालीलाई स्वर्ण पदक दिन सफल भएका थिए । कास्कीको पोखरामा सम्पन्न भएको प्रतिस्पर्धामा बुढाले एपिएफ क्लबका अजित यादवलाई पछि पारेका थिए । दुर्गले निर्धारित दूरी आठ मिनेट ५५ दशमलव १९ सेकेन्डमा पार गरेका थिए ।

Leave a Reply