भैरहवा । राप्रपाका केन्द्रीय सल्लाहकार समितिका संयोजक तथा पुर्ब गृहमन्त्री निरन्जन थापाले निर्वाचन २ खालको गठबन्धन भएको बताउँदै ५ दललाई मत दिएर खेर जाने बताए । त्यो पात्रको को हो प्रधानमन्त्री किलियर नै छैन । माधव नेपालले आफ्नै प्रधानमन्त्रीलाई फाल्दीनु भो । प्रचण्ड कहिले कहिले कता हुनुहुन्छ । त्यस्तो गठबन्धन लाई मत दिएर काम लाग्दैन । थापाले भने, को प्रधानमन्त्री हो किलियर छैन । ५ दलको प्रधानमन्त्री कोहो ? थाहा छैन तर हाम्रो ३ दलको प्रधानमन्त्री केपी ओलि नै हो ।
२ बर्ष ९ महिना गृहमन्त्री भएको बताउँदै पूर्व गृहमन्त्री थापाले बिस्तारै बोहोरालाई गृहको बिफ्रीङ गर्न थालेको बताएका छन् । नेपाली कांग्रेसका केन्द्रीय सदस्य तथा गृहमन्त्री बालकृष्ण खाँणलाई कटाक्ष गर्दै थापाले रुपन्देहीमा तक्माको बाढी नै आएको बताए ।
“आज भोली तक्माको धेरै बाढि आएको छ । रूपन्देही क्षेत्र नं ३ मा बाढी नै आएको छ । हामी सरकारमा आएपछि त्यसरि तक्मा बांड्दैनथ्यौँ । तक्माको आधार हुन्छ हामी त्यसरी बाँड्ने गथ्यौँ । हामी उद्योगलाई सञ्चालन गरेर अंगाडी बढाउनेलाई त्यस्तो उद्योगपतिलाई तक्मा दिन्थ्यौँ ।” थापाले भने, “नाकामा चोरी निकासी रोक्ने प्रहरीलाई हामी तक्मा दिन्थ्यौँ । सिँञ्चाई नपाएर हाँहाँकार भएको किसानलाई तक्मा दिन्छौँ । पार्टीलाई भोट दिन्छ भनेर हामी कदापी तक्मा दिँदैनौँ । बोहोराजीलाई, महेन्द्रजीलाई, तुल्सीजीलाई भोट दिएर तक्मा दिँदैनौँ है । काम गरेको आधार हुनुपर्छ तक्मा दिने । कहिले काहिँ बाउ छोरालाई मैले तक्मा दिएको सुन्छ मैले । मेरो बिचारमा त्यो पूर्वाग्रह हो ।”
रुपन्देही जिल्लामा दिपक बोहोराले बिकासको काम गरेर देखाएको बताउँदै पूर्व गृहमन्त्री निरञ्जन थापाले भैरहवाको विकास र समृद्धिका लागि प्रतिनिधी सभा सदस्यको निर्वाचनमा दिपक बोहोरालाई मत दिन आग्रह गरे । थापा भन्छन्, “चाहे भैलो भुजा भन्नुस । उहाँ पर्यटन मन्त्रीपनि हुनुहुुन्थ्यो । बाटा घाटा विकासमा उहाँले धेरै काम गर्नु भो उहाँ रैथाने नेता हो । बिकास प्रेमि हो प्रकृति गठबन्धन हो । हामीले परिपक्व मान्छे उठाएका छौँ त्यसैले हामी चुनाव जित्छौँ ।
राप्रपाका बरिष्ठ नेता तथा प्रनिधि सभा सदस्य क्षेत्र नं ३ का उम्मेदवार दिपक बोहोराले युवाहरुको सोँच, पाका पुस्ताको अनुभवलाई मिश्रण गर्दै समाज रुपान्तरणकोलागि दिलो ज्यानले लाग्ने प्रण पनि गर्दै यो निर्वाचनमा होमिएका बताए. । बेलहिया – बुटवल छ लेन सडक विस्तार, बेथरी –तामनगर सडक विस्तार, भैरहवाको पहिलो क्याम्पसको रुपमा रहेको सिद्धार्थ कलेज तथा हालको भैरहवा बहुमुखी क्याम्पसको सर्वागीण विकास, सिद्धार्थ रंगसाला, महेन्द्र सभा गृहकोे निर्माण, आइसीपिको पहल, भीम अस्पतालको भौतिक पुर्वाधार र स्तरोबृद्धिकोलागि गरिएको योजनाबद्ध पहल, भैरहवामा अत्याधुनिक कृर्षी हाटबजार, भैरहवा लुम्बिनी तिलौराकोट सडकको स्तरोन्नती , बृहत्तर लुम्बिनी क्षेत्रको विकास जस्ता गौरबका आयोजना हामी सरकारमा छदा वा संसदमा छदा भएका प्रयासका उपलब्धी भएको बताए । आगामी दिनमा हिजोका दिनमा हामीले गरेका प्रयास र दीर्घकालिन योजनालाई थप व्यवस्थीत गर्नेगरी हामीले आफ्ना योजना अगाडी सार्नेछौं बोहराले भने ।
प्रदेश सदस्य महेन्द्र यादबले चुनाब जित्दा नेकपा एमालेको प्रदेशमा मुख्यमन्त्री बन्ने हो । चौधरीले भने, स्थानीय चुनावको मतलाई जोड्ने हो भने कांग्रेसको भन्दा हाम्रो १२ हजार मत बढी छ । ३ क को ७ हजार मत धेरै मतले हामी जित्दै छौं । ३ ख मा दिपक बोहरालाई पनि जिताउछौं प्रदेश सदस्यपनि जिताउछौं । हामी जे बोल्छौं त्यही गर्छौं यहाँका मन्त्रीले पुल बनाउन सक्नु भएन मैले पुल बनाउन नसके मत माग्न आउंदिन भने मैले १० महिनामै पुल बनाएं अब उहाँ मन्त्री त्यो ठाउंमा जान गाह्रो छ । ३ शक्तिको गठबन्धनलाई कसैलेपनि हराउन सक्दैन ।
जसपाका नेता तथा प्रदेश सभा सदस्य क्षेत्र नं ३ क का उम्मेदवार महेन्द्र यादवले ३ दलिय गठबन्धनले नै चुनाव जित्ने दाबी गरे ।
सन्तोष पान्डेले जे पनि हुन्छ भन्ने तर कुनै काम नहुने उनले बताउँदै भने, यहाँबाट जित्छन बजेट जान्छ मर्चवारमा । खुट्टा ढोग्ने कला छ बिरामी अस्पतालमा भर्ना हुंदा हजार दुइ हजार दिउं कहिल्यै गर्नुहुन्न । गठबन्धनका उम्मेदवारलाई मत दिन आग्रह गर्दछु । मैले ६३ साल देखि आन्दोलन गरें यो देशमा संघीय लोकतान्त्रिक गणतन्त्र स्थापित भयो । धेरैले नागरिकता पाए । सेना पुलिसमा आरक्षण हामीले गर्दा भयो ।
क्षेत्र नं ३ निर्वाचन परिचालन समितिका संयोजक स्वाती थापाको अध्यक्षतामा भएको कार्यक्रममा आफ्नो मन्तब्य राख्दै थापाले देशमा परिवर्तन, रोजगारी र शुसानका लागि नेकपा एमाले, राप्रपा र जसपालाई जिताउन आग्रह गरिन् । जसपाका केन्द्रीय सदस्य मातृकाप्रसाद यादवले ३ दलको गठबन्धनले सत्ता पक्ष अताल्लीएको बताए । रुपन्देहीमा नेकपा एमाले, राप्रपा र जसपा एक ठाउँमा आउँदा हामी धेरै बहुमतले चुनाव जित्छौँ उनले भने ।
कार्यक्रममा नेकपा एमालेका केन्द्रीय निर्वाचन आयोग सदस्य भरत कुमार पोखरेल, एमालेका प्रदेश सदस्यहरु अनुप बराल, राजेन्द्रप्रसाद पन्थी, राप्रपाका जिल्ला अध्यक्ष सागरप्रताप राणा, नेकपा एमालेका जिल्ला उप सचिव हितराज पन्थी, राप्रपाका जिल्ला उपाध्यक्ष अजय कुमार गुप्ता, एमालेका नेता डा.राम प्रसाद बस्याल लगायतको आतिथ्यता रहेको थियो ।
