बाल स्याहारमा पुरुषको भूमिका बढाउन बालसपना परियोजना लागू   | ईमाउण्टेन समाचार

Our Network

माघ २५ २०७९, बुधवार

बाल स्याहारमा पुरुषको भूमिका बढाउन बालसपना परियोजना लागू  

जुम्ला। बालसपना परियोजनाले बालबालिकाप्रति पुरुषलाई पनि महिला जतिकै जिम्मेवार बनाउन थालेको छ । सेडाले जुम्लाका २१ वटा वडामा सञ्चालन गरेका विभिन्न अवलोकन, अनुगमन र सफलताका कथाहरूले पनि पुरुषहरूले घरपरिवारमा जिम्मेवारीहरू बाँडिरहेको देखिएको हो । जसले गर्दा आमाको कामको बोझ कम गराएको पाइएको छ। प्रारम्भिक बालविकासको महत्त्व तथा उचित स्याहारमा पुरुषको भूमिकावारे अभिमुखीकरण गराइएको छ । अभिभावकहरूले आफ्ना छोराछोरीसँग समय बिताउन थालेका छन् । उनीहरूले खेलका सामग्रीहरू पनि विकास गरेको पाइएको छ। सेडा नेपाल जुम्लाले बालबालिका नै अभिभावको सपनाको स्कुल भएको जनाएको छ ।  बालबालिकाका लागि अभिभावकले पर्याप्त समय दिने, जिज्ञासा सुनिदिने र सम्बोधन गरिदिने, शिक्षकले उनीहरूको रुचिअनुसार पठनपाठन गराउने र राज्यले बालमैत्री वातावरण बनाउन लगानी गर्ने हो भने अभिभावको सपनाको स्कुल बन्ने उसकाे भनाइ छ । जिल्लास्तरीय परियोजनासम्बन्धी समीक्षा बैठकमा  प्रारम्भिक बालविकास निर्देशक समितिको गठन गरिएको  सेडा नेपालका संयोजक प्रेमसिहं ठकुरीले बताए । बालबालिकालाई  खेल्नका लागि स्थानीय खेलाउन बनाउने तरिका विभिन्न महिला र पुरुष समूहमार्फत  सिकाइएको छ।

सेडा नेपालकी फिल्ड संयोजक मञ्जु थापाले पालिकास्तरीय समीक्षा तथा कार्ययोजना बैठक गर्दै आएको बताइन् ।उनले महिला स्वास्थ्य स्वयंसेविकामार्फत विभिन्न काम भइरहेको बताइन्।

Leave a Reply