दाङ, १३ मंसिर। नेकपा माओवादी केन्द्रका नेता वर्षमान पुनले अब युद्ध र हतियारले देशलाई फाइदा नहुने स्पष्ट पारेका छन्। दाङमा आयोजित कार्यत्रमलाई सम्बोधन गर्ने क्रममा नेता पुनले हिजोसँगै हतियार उठाएका मित्र (नेत्रविक्रम चन्द समूह)ले गलत समयमा फेरि हतियार उठाएको आरोप लगाएका छन् ।
पुनले विगतमा आवश्यक भएर हतियार उठाएको तर अहिले यही संविधानबाट समाजवाद साम्यवादसम्म पुग्न सकिने ठाउँ रहेको स्पष्ट पारेका छन्। उनले नेकपाको हतियार अराजकता र अपराधीकरणका लागि प्रयोग हुन थालेको बताए। सरकारले बम पड्काएर मान्छे मार्दा पनि केही गर्न नसकेको भन्दै उनले सरकारप्रति आक्रोश समेत व्यक्त गरेका छन्।
