काठमाडौँ, १२ मंसिर। नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवा राम्रोसँग बोल्न पनि नआउने टिप्पणी गरेका छन्। ललितपुरको लगनखेल बसपार्कमा आयोजित कार्यक्रममा बोल्दै नेता ओलीले देशको प्रधानमन्त्रीलाई बोल्न पनि नआउने बताएका हुन्।
ओलीले जनतालाई झुटाृ आश्वासन दिनका लागि प्रधानमन्त्री देउवा हेलिकप्टर दौडाहामा निक्लिएको समेत आरोप लगाएका छन्। “मुलुकको प्रधानमन्त्रीलाई बोल्न पनि आउँदैन । ‘बामपन्थीको सरकार आए तानाशाही आउँछ, जयनेपाल ’ । देउवाजीले बोल्ने त्यति हो,” उनले भने ।
ओली मञ्चमा उक्लिनेबित्तिकै सभास्थल नजिकै विष्फोटको आवाज आएको थियो । विष्फोटपछि सभामा केहीबेर तनाव उत्पन्न भए पनि केही बेरमा स्थिति सामान्य भएको छ ।
उनले बम पड्काएर डराउनेमा वाम गठबन्धन नपर्ने दाबी गर्दै सभालाई अघि बढ्न निर्देशन दिएका थिए।
