१० फाल्गुन, काठमाडौं । आजको लागि बोलाइएको व्यवस्थापिका संसदको बैठक सूचना टाँस गरेर स्थगित भएको छ ।
आजको बैठकमा संविधान संशोधन विधेयक पेश गर्ने तयारी गरिएको थियो । तर दलहरुबीच सहमति नजुटेपछि बैठक सूचना टाँस गरेर स्थगित गरिएको हो ।
संविधान संशोधन विधेयकको बिरोधमा रहेको नेकपा एमाले र विधेयक अगाडि बढाउनु पर्ने मधेशी मोर्चा आवद्ध दलको अडानका कारण बैठक सूचना टाँसेर बुधबार दिउँसो २ बजेसम्मका लागि स्थगित भएको हो ।
कार्यब्यवस्था परामर्श समितिको आज बसेको बैठकमा सभामुख ओनसरी घर्ती र मुख्य ८ दलका प्रमुख सचेतक सहमतिका लागि भन्दै एक दिन बैठक स्थगित गर्न सहमत भएका हुन् ।
स्थानीय निर्वाचन र त्यसका लागि आवश्यक राजनीतिक वातावरण निर्माणका लागि भन्दै संसद बैठक १६ दिनका लागि स्थगित भएको थियो ।
