तुलसीपुर, दाङ, २७ कात्तिक । माओवादी केन्द्रका नेता कृष्णबहादुर महराले ५ नं प्रदेशको राजधानी दाङ बनाउन आफू कटिबद्ध भएर लागेको बताएका छन् ।
घोराहीको रतनपुरमा आज आयोजित कार्यक्रममा बोल्दै उनले यस्तो बताएका हुन् । महरा दाङ क्षेत्र नं २ बाट प्रतिनिधिसभा सदस्यका उम्मेदवार हुन् ।
५ नम्बर प्रदेशको राजधानी दाङ बनाउने भन्दै महराले मतदातासँग भोट मागेपनि यस सवालमा प्रमुख दलका नेताहरु नै एक मत हुन सकेका छैनन् । एमाले, माओवादी र कांग्रेसका कतिपय केन्द्रिय नेताहरु भने यस प्रदेशको राजधानी बुटबल बनाउनुपर्नेमा लागि परेका छन् ।
