सन्दिप शर्मा,
प्रेम सम्बन्धको नाटकमा पारी भारतमा लगेर १४ बर्षीय बालिका बेच्न खोज्ने पर्वतका एक युवालाई विराटनगर नाकामा रहेको प्रहरीले नियन्त्रणमा लिएको छ । पर्वतको मोदी गाउँपालिका ५ बाजुङ्ग घर भएका २४ बर्षीय सुर्य भण्डारीले सोही स्थानकी १४ बर्षीय एक बालिकालाई प्रेम सम्बन्धको नाटकमा पारी भारतमा लगेर बेच्न खोजेको अवस्थामा प्रहरीले नियन्त्रणमा लिएको हो ।
भण्डारीले बालिकालाई प्रहरीसँग दाजुको साथमा भारतमा घुम्न जान लागेको झुटो विवरण भन्नलगाई भारतमा लगेर बेच्ने योजना बनाएका थिए । तर प्रहरीले बालिका मार्फत परिवारका अन्य सदस्य संग सम्पर्क गर्दा आफुहरुलाई केही थाहा नभएको बताए पछि भण्डारीलाई नियन्त्रणमा लिएको जिल्ला प्रहरी कार्यालय पर्वतका प्रहरी नायव उपरिक्षक सिवराज बुढाथोकीले बताए ।
भण्डारीले बालिकालाई बेलुकी कुश्मबाट गाडिमा चढाएर बिहान विराटनगर पु¥याएको विराटनगरमा पुगेपछि आटो हुदैं जोकबने नाकाबाट भारत लैजाने र बेच्ने तयारी गरेको अनुसन्धानका क्रममा खुलेको प्रनाउ बुढाथोकीले बताए ।
बालिकाको परिवारका सदस्यहरुले बिहीबार जिल्ला प्रहरी कार्यालयमा भण्डारी बिरुद्ध उजुरी दिएका छन् । उनलाई १० दिनको म्याद थप भै थप अनुसन्धान भैरहेको र अनुसन्धानपछि मानव बेचविखन तथा ओसारपोसार मुद्धामा मुद्धा दर्ता गरि कारवाही प्रक्रिया अगाडि बढाईने जिल्ला प्रहरी कार्यालय पर्वतले जनाएको छ ।