काठमाडौं । प्रतिनिधि सभाको शुक्रबारको बैठक सुरु भएलगत्तै प्रमुख प्रतिपक्षी दल एमालेका सांसदहरुले नाराबाजी गर्दै अवरोध गरेका छन् ।
सभामुख अग्नि सापकोटाले प्रतिनिधि सभाको बैठक प्रारम्भ गरेलगत्तै एमालेका सांसदहरु आफ्नो सीटबाट उठेर नाराबाजी गरेका हुन् ।
उनीहरुले रोष्टम अघि गई संसदीय मर्यादा कायम गर, संवैधानिक सर्वोच्चता कायम गर, पार्टी फुटाउन पाइदैनलगायतका नाराबाजी गरेका हुन् ।
सभामुख सापकोटाले जनताको चासो र चिन्ताको विषयमाथि सांसदहरूले कुरा उठाउने हुने भएकाले बैठक सञ्चालनमा सहयोग गर्न आग्रह गरे पनि एमालेका सांसदहरूको नाराबाजी रोकिएको छैन ।
सभामुख सापकोटाले बारम्बार बैठक सञ्चालनमा सहयोग गर्न आग्रह गरिरहेका छन् ।