काठमाडौं । महन्थ ठाकुर नेतृत्वको पार्टीको नाम फेरिएको छ । अब पार्टीको नाम लोकतान्त्रिक समाजवादी पार्टी राखिएको हो ।
राष्ट्रपति विद्यादेवी भण्डारीले बुधबार राजनीतिक दलसम्बन्धी अध्यादेश जारी गरेपछि ठाकुर पक्षले निर्वाचन आयोगमा जनता समाजवादी पार्टी नेपाल (लोकतान्त्रिक) दर्ताका लागि निवेदन दिएको थियो ।
सर्वोच्चको फागुन २३ को फैसलाले अयोगमा दर्ता रहेको दलको नाम र चुनाव चिन्हसँग मिल्दो-जुल्दो दल दर्ता गर्न नमिल्ने भनेर फैसला गरेका कारण आयोगमा एमाले समाजवादी दर्ता गर्न नमिल्ने बताएपछि ठाकुर पक्षले पनि नाम परिवर्तन गरेको हो ।
नयाँ पार्टीमा ३१ जनाको कार्यकारिणी समिति सदस्य रहेका छन् भने वरिष्ठ नेतामा शरतसिंह भण्डारीको नाम पनि थप गरिएको छ ।
