काठमाडाैं । कोरोना संक्रमण न्यूनीकरणका लागि त्रिभुवन अन्तर्राष्ट्रिय विमानस्थलमा आफन्त बिदाइ तथा स्वागत गर्न रोक लगाइएपनि भिडभाड घट्न सकेको छैन ।
गत शुक्रबार त्रिभुवन अन्तर्राष्ट्रिय विमानस्थलले यात्रुबाहेकका आफन्तजनलाई विमानस्थल आउजाउमा रोक लगाएको भएपनि नियमितभन्दा पनि बढी भिडभाड घट्न नसकेको हो ।
एकजनाका लागि २०औं जना आफन्त विदाइ गर्न पुगेकाले विमानस्थलको अवस्था अस्तव्यस्त छ ।
विमानस्थलमा प्रवेश गर्दा शरीरको तापक्रम नापेर मात्रै टर्मिनल भवनमा प्रवेश, सेनीटाइजर अनिवार्य प्रयोग गर्न, लाईनमा लाग्दा भिडभाड नगरी तोकिएको मार्किङ र सांकेतिक पाइला पछ्याउन र अनिवार्य रुपमा भौतिक दुरी कायम गर्न आग्रह गरेपनि लापरवाही रोकिएको छैन ।
सुरक्षा चेकजाँच तथा बोर्डिङ पास लिने बेलामा जथाभावी भीड भएका कारण यात्रु विमानस्थलमै संक्रमण सर्नसक्ने त्रास छ ।
