एजेन्सी । बेलायतको प्लीमथमा भएको गोलीकाण्डमा ६ जनाको मृत्यु भएको छ ।
बेलायतको दक्षिणपूर्वी शहर प्लीमथमा बिहीबार साँझ भएको गोलीकाण्ड परी हमलावरसहित ६ जनाको मृत्यु भएको प्रहरीले जनाएको हो ।
घटनामा मारिनेमा ३ महिला, २ पुरुष र एक गोली चलाउने आरोपी रहेको प्रहरीले जनाएको छ ।
२ महिला र २ पुरुष र आरोपीको घटनास्थल मै तत्काल मृत्यु भएको थियो भने एक महिलाको उपचारका क्रममा केही समय पछि मृत्यु भएको प्रहरीले जनाएको छ ।
प्रहरीले घटनाबारे थप अनुसन्धान गरिरहेको अन्तर्राष्ट्रिय सञ्चारमाध्यमले जनाएको छ ।
प्लीमथ सटन र डेभोनपोर्टका सांसद लुक पोलार्डले मारिने मध्ये एक १० वर्षभन्दा कम उमेरको बालिका रहेको बताएका छन् ।
