पाल्पा । सिद्धार्थ राजमार्ग अन्तर्गत तिनाउ गाउँपालिका–३ सिद्धबाबा नजिकै हेडबक्समा जिप दुर्घटना भएको छ । पाल्पाबाट बुटवलतर्फ जाँदै गरेको बा १८च ७३३६ नम्बरको स्कार्पियो जिप आज विहान दुर्घटना भएको हो ।
सडक माथिबाट झरेको ठूलो ढुंगाले लागेर जिप सडकबाट सय मिटर तल तिनाउ नदीमा झरेको थियो । दुर्घटनामा परी घाइते भएका दुई जना गम्भीर छन् भने र दुई जना सामान्य रहेको प्रहरीले जनाएको छ ।
उनीहरुलाई उद्धार गरी उपचारका लागि लुम्बिनी प्रादेशिक अस्पताल बुटवलमा लगिएको छ । उनीहरु सबै झुम्साका रहेको बुझिएको छ । घटनाबारे थप अनुसन्धान भइरहेको प्रहरीले जनाएको छ ।
