एजेन्सी । फ्रेन्च सुपर कप फुटबलको उपाधि लिलेले उचालेको छ ।
आइतबार राति ब्लुमफिल्ड स्टेडियमा भएको फाइनलमा पेरिस सेन्ट जर्मेन पीएसजीलाई १–० गोल अन्तरले पराजित गर्दै लिले उपाधि उचालेको हो ।
लिलेलाई जित दिलाउन सेकाले निर्णायक गोल गरे । उनले खेलको ४५ औं मिनेटमा सेकाले गोल गरेका थिए ।
लिलेले पहिलो पटक फ्रेन्च सुपर कपको उपाधि जितेको हो । पीएसजी भने सुपर कपको सर्वाधिक सफल टिम हो । पीएसजीले १० पटक सुपर कप जितेको छ ।
लिग वान च्याम्पियन र कोप डे फ्रान्सबीचको विजेताले सुपर कपको उपाधिका लागि खेल्ने गर्छन् ।
