काठमाडौं । नेकपा एमालेका महासचिव ईश्वर पोखरेलले युथ फोर्सलाई जनताले राम्रो नठान्ने काम नगर्न निर्देशन दिएका छन् ।
शनिबार राजधानीमा आयोजित युथफोर्स भ्याली कमाण्डर घोषणा कार्यक्रमलाई सम्बोधन गर्दै पूर्वउपप्रधानमन्त्री समेत रहेका पाखरेलले युथफोर्स फरक परिवेशमा गठन भएको भए पनि परिवर्तित परिस्थिति अनुसार काम गर्नुपर्ने निर्देशन दिए । उनले युथ फोर्सलाई परिवर्तित सन्दर्भमा जनतासंग जोड्ने काम गर्न बताएका छन् ।
साथै महासचिव पोखरेलले जनतालाई उत्पादसँग जोड्ने , स्वरोजगार अभियात चलाउने काम गर्न पनि निर्देशन दिएका छन् ।
युथफोर्सले भ्रष्टाचारविरुद्ध अभियान चलाउनु पर्नेमा उनले जोड दिए । युथ फोर्स आतंकको स्रोत नभई आतंक सिर्जना गर्नेलाई तह लगाउने संगठन भएको पोखरेलको दाबी छ ।
