रुपन्देही । लुम्बिनी प्रदेशसभाको बैठक स्थगित भएको छ । बुधबार दिउँसोका लागि आह्वान गरिएको बैठक बस्दै नबसी सूचना टाँसेर स्थगित गरिएको हो ।
बुधबार बस्ने भनिएको बैठक विशेष कारणले स्थगित भएको भन्दै सभामुखको निर्देशनअनुसार असार २७ गते दिउँसो १ बजे सम्मका लागि स्थगित गरिएको सचिव दुर्लभकुमार पुनले जानकारी गराएका छन् ।
यसअघि असार १ गते प्रस्तुत बजेटका विषयमा छलफल गर्न असार ६ गते बोलाइएको प्रदेशसभाको बैठक विपक्षी दलहरूले बहिष्कार गरेपछि आजका लागि तोकिएको थियो ।
