काठमाडौं । नेपालमा पछिल्लो २४ घण्टामा २ हजार १ सय ४१ ले कोरोना भाइरसलाई जित्न सफल भएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा हुने २ हजार १ सय ४१ कोरोना संक्रमणमुक्त भएका हुन् । योसँगै नेपालमा कोरोना संक्रमणमुक्त हुनेको जम्मा संख्या ५ लाख ४५ हजार ६ सय ६२ पुगेको छ ।
त्यसैगरी पछिल्लो २४ घण्टामा २ हजार ६ सय ७ मा संक्रमण पुष्टि भएको छ । मन्त्रालयका अनुसार पछिल्लो २४ घण्टामा गरिएको १२ हजार ४ सय ८४ पीसीआर परीक्षणमध्ये जम्मा २ हजार ६ सय ७ मा संक्रमण पुष्टि भएको हो ।
मन्त्रालयका अनुसार पछिल्लो २४ घण्टमा एक सय ३९ संक्रमितले ज्यान गुमाएका छन् । योसँगै नेपालमा संक्रमणका कारण ज्यान गुमाउनेको संख्या ८ हजार ५ सय ९७ पुगेको छ ।
