काठमाडौँ। भौतिक पूर्वाधार तथा यातायातमन्त्री वसन्तकुमार नेम्वाङले जनकपुर–जयनगर रेल सञ्चालनको तयारी अघि बढाउन विभागलाई निर्देशन दिएका छन् । सोमबार मन्त्री नेम्वाङले पानी जहाज कार्यालय, मेट्रो रेल विभाग र यातायात व्यवस्था विभागका प्रमुखहरुसँग गरेको साक्षत्कार बोल्दै मन्त्री नेम्वाङले निशेधाज्ञा पछि तत्कालै रेल सञ्चालन गर्न निर्देशन दिए ।
प्राविधिकरुले सम्पूर्ण तयारी भइसकेकाले रेल सञ्चालनमा ढिलाई गर्न नहुने मन्त्री नेम्वाङले जोड दिएका छन् ।‘रेल सञ्चालनका लागि अध्यादेश जारी गरीसकेका छौँ । यति हुँदाहुँदै पनि हामीले रेललाई समयमा सञ्चालन गर्न सकेका छैनौँ,’ उनले भने, ‘कोभिड महामारीले बाधा पु¥याएको छ ।
लकडाउन खुल्नेबित्तिकै हामीले त्यहाँ रेल सञ्चालन गर्नुपर्छ ।’मन्त्री नेम्वाङले पानीजहाज सञ्चालनका लागि तयारी गर्न तथा नदीनालाहरुमा सम्भाव्यता अध्ययनको काम अघि बढाउन पानीजहाज कार्यालयलाई समेत निर्देशन दिएका छन् ।
