काठमाण्डौँ, ३० असोज । आफ्नो अभिनय र संवादका कारण दर्शकको प्रिय बनिरहेका नायक सलोन बस्नेत संगीत क्षेत्रमा पनि चर्चा कमाउने तरखरमा छन् ।
‘रुन नं. १०८’ बोलको गीतमा सलोनले र्याम हानेका छन् । गीतमा सलोनलाई अर्का नायक आमेश भण्डारीले साथ दिएका छन् । आमेश र सलोन मिल्ने साथी हुन् । उनीहरुले एकसाथ अभिनय गरेको फिल्म मेलाको ट्रेलर सार्वजनिक समेत भईसकेको छ ।
गीतमा सलोन र आमेशकै शब्द तथा संगीत रहेको छ । पर्फेक्ट प्लान इन्टरटेनमेन्टले प्रस्तुती गरेको गीतको भिडियोलाई शिशिर खातीले निर्देशन गरेका हुन् ।
