काठमाडौं । माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्री केपी शर्मा ओलीले फोन गरेका छन् । दुई नेताबीच लामो समयपछिको यो आईसब्रेक भएको हो ।
शुक्रबार ललितपुरको कोन्जोसोम गाउँपालिकामा नवनिर्मित भवन समुद्घाटन कार्यक्रममा सम्बोधन गर्दै अध्यक्ष दाहालले ‘भर्खरै आफूलाई प्रधानमन्त्री ओलीको फोन आएको’ बताएका हुन् । धेरै समय पछि प्रधानमन्त्री ओलीको फोन आफूलाई आएको उनले बताए ।
फोनमा के कुराकानी भयो भन्ने दाहालले खुलाएनन् । प्रदेश सरकार परिवर्तन लगायत बिभिन्न बिषयमा बहस चलिरहेको बेला यो फोन वार्तालाई अर्थपूर्ण रुपमा हेरिएको छ।
आइ.एन.ए
