दिलिप शर्मा
चितवन, ३० चैत । चितवनको राप्ती नगरपालिका–११ आँपपानी नजिक चिउरि खोलामा आइतबार साँझ भएको ट्याक्टर दुर्घटना परी मृत्यु हुनेको संख्या ६ पुगेको छ । दुर्घटनामा अन्य १९ जना घाइते भएका छन् ।
चितवनमा ट्याक्टर दुर्घटना ,५ जनाको मृत्यु ,१७ घाइते
११ नम्बर वडा कार्यालय ढलान गरेर फर्केका मजदुरहरु चढेको ना १ च ६२८२ नम्बर को ट्रयाक्टर दुर्घटना हुदा १ महिला सहित ६ जनाको ज्यान गएको जिल्ला प्रहरी कार्यालय चितवनले जनाएको छ । जसमध्य ८ जनाको अबस्था गम्भीर रहेको जि प्र का चितवनका प्रबक्ता प्र ना उ सुर्य बहादुर थापाले जानकरि दिए ।
आइतबार रातिसम्ममा पाँच जनाको अस्पतालमा उपचारको क्रममा मृत्यु भएको थियो । आज बिहान थप एक जनाको उपचारको क्रममा मृत्यु भएको जिल्ला प्रहरी कार्यालय चितवनले जनाएको छ ।
थाकलटारबाट भण्डारा तर्फ आउदै गरेको ट्र्याक्टर अनियन्त्रित भइ सडक बाट झन्डै १०० फिट तल खस्दा दुर्घटना भएको हो । घाइतेहरुको पुरानो मेडिकल कलेज र चितवन मेडिकल कलेजमा उपचार भइरहेको छ । दुर्घटना को खबर पाए लगत्तै उद्दार को लागि घटनास्थल पुगेको इप्रका भण्डारा का प्रहरी निरिछक राजिब गिरीले बताए ।
