काठमाडौं, २८ चैत । जनता समाजवादी पार्टीका नेता लक्ष्मण लाल कर्णले तीन दलको गठबन्धनमा जान मुस्किल भएको धारणा राखेका छन् । हाम्रा मुद्दाहरुका सवालमा प्रधानमन्त्री केपी शर्मा ओली गम्भीर हुनुहुन्छ । कांग्रेस हाम्रो कुरा सुन्न नै चाहँदैन, अनि कसरी गठबन्धनमा जान सकिन्छ ? : नेता कर्णले प्रश्न गरे ।
तैपनि कांग्रेससँग छलफल चलिरहेको उनको भनाई छ । जसपाले छलफल गरेर चाँडै निर्णय दिने उनले बताए । जसपाले आफ्ना मुद्दाहरु सम्बोधन गर्नेसँग मात्र गठबन्धन बनाउने उनले बताए । ‘प्रधानमन्त्रीले गर्छु भन्नुभएकै छ । कांग्रेसले गर्न सक्छ र ? सक्दैन । अब आफैं कुरा बुझ्नुस्’– लक्ष्मणलालको भनाई छ ।
शुक्रबार बुढानिलकण्ठमा बसेको तीन दलीय बैठकमा कांग्रेसले आफ्नो नेतृत्वमा सरकार बनाउन प्रस्ताव राखेको थियो । उक्त प्रस्तावमा माओवादी केन्द्र सकारात्मक देखिए पनि जसपा सकारात्मक देखिएन । पार्टीभित्र छलफल गरेर मात्र निर्णय गर्ने जसपाका नेताहरुले भनेका थिए ।
आइ.एन.ए
