काठमाडौं, २२ चैत । पछिल्लो २४ घण्टामा देशभर १ सय ७६ जना कोरोना भाइरसका नयाँ संक्रमित थपिएका छन् ।
पछिल्लो २४ घण्टामा भएका ३ हजार ४ सय ५६ पीसीआर परीक्षणमध्ये १ सय ७६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कुल संक्रमित संख्या २ लाख ७७ हजार ९ सय ४४ पुगेको छ ।
पछिल्लो २४ घण्टामा ११७ जना संक्रमणमुक्त भएको स्वास्थ्य मन्त्रालयले जनाएको छ । योसँगै संक्रमणमुक्त हुनेको संख्या २ लाख ७३ हजार २ सय ४० पुगेको छ ।
