कपिलवस्तु, २२ चैत । कपिलबस्तुको यशोधरा गाउँपालिका वडा नम्बर ४ स्थित गहुँ खेतमा आगलागी हुँदा एक करोड बढीको क्षति भएको छ ।
शनिवार गहुँको ठुटामा लगाएको आगो सल्केर वडा नम्वर ४ को भैसाहिया, रमवापुर र वडा नम्वर ६ को रंगपुर, कडजवाहा गरी ४ ठाउँका खेतमा भएको गहुँ जलेर नष्ट भएको हो ।
गँहु काटेपछि खेतमा बचेको डाँठमा भैसाहिया गाँउको मोहम्मद उमरले आफ्नो खेतको गहुँको ठुटामा लगाएको आगो सल्केर ५० बिगहाभन्दा बढी गहुँको बाली काट्ने बेलामा जलेर नष्ट भएको हो ।
प्रहरी बल मर्यादपुरको टोलीले दमलकको सहयोगमा धेरै बेर पछि आगो नियन्त्रणमा लिएको थियो ।
