एजेन्सी, १३ चैत। भारतीय प्रधानमन्त्री नरेन्द्र मोदी दुई दिने भ्रमणका लागि बंगलादेश पुगेका छन्। शुक्रबार बंगलादेश पुगेका मोदीलाई बंगलादेशकी प्रधानमन्त्री शेख हसिनाले ढाकास्थित विमानस्थलमा स्वागत गरिन् ।
बंगलादेशका संस्थापक शेख मुजिबर रहमानको जन्मशताब्दी र बंगलादेश स्वतन्त्र भएको ५० वर्ष पूरा भएको अवसरमा प्रधानमन्त्री शेख हसिनाको निमन्त्रणामा मोदी बंगलादेश पुगेका हुन् । यसैका लागि नेपालका राष्ट्रपति विद्यादेवी भण्डारी पनि गत ९ र १० गते बंगलादेश भ्रमणमा गएकी थिइन् ।
त्यसैगरी भुटानबाट पनि बंगलादेशमा उच्चस्तरिय भ्रमण भइसकेको छ । बंगलादेशमा रहेका मुसलमान र विद्यार्थीहरुले भने मोदीको भ्रमणको विरोध गर्दै आईरहेका छन् । राजधानी ढाकास्थित बैतुल मोकार्रम मस्जिद बाहिर करिब पाँच सय जना मुस्लिम समुदायका व्यक्तिहरुले एक हप्ता अघि ¥याली निकालेर विरोध प्रदर्शन गरेका थिए ।
