रामेछाप, २३ असोज । रामेछापको खाँडादेवी गाउँपालिका वडा नम्बर २ मझुवाका किसान नमुनाको रुपमा लगाएको मकैबारीभित्रको गोलभेंडाखेतीबाट राम्रो आम्दानी लिन सफल भएका छन्।
जिल्ला कृषि विकास कार्यालय रामेछापका प्राविधिकको सल्लाह र प्रत्यक्ष निगरानीमा मकैबारीभित्र लगाइएको गोलभेंडा राम्रो भएपछि मझुवाका किसान उत्साहित भएका छन् ।
कृषि कार्यालयको ‘ब्लकमा तरकारीखेती’ कार्यक्रमअन्तर्गत १५ हजार रुपैयाँको बीउ र विषादी अनुदान प्रदान गरी नमुनाको रुपमा मकैबारीभित्र गोलभेंडाखेती गरिएको प्राविधिक सन्तोष खड्काले बताएका छन् ।
