काठमाडौं, १६ फागुन । नेकपा दाहाल नेपाल पक्षका अध्यक्ष पुष्पकमल दाहाल सर्वोच्चको अवहेलना सम्बन्धी मुद्धामा लिखित जवाफ पेश गर्न अदालत पुगेका छन् ।
अदालतमा विचाराधीन मुद्धाका विषयमा गरेको टिप्पणीहरुलाई लिएर अदालतमा परेको अवहेलना मुद्धाको लिखित जवाफ पेश गर्न दाहाल अदालत पुगेका हुन् ।
अधिवक्ता समिर हायुले उनी विरुद्ध अवहेलनाको निवेदन दायर गरेका थिए ।
उक्त मुद्दामा सुनुवाइ गर्दै न्यायाधीश मनोजकुमार शर्माको एकल इजलासले आफैँ लिखित जवाफ पेस गर्न आदेश दिएको थियो ।
