भक्तपुर, २१ मंसिर। भक्तपुरमा गएराति भएको कार दुर्घटनामा एक युवतीको मृत्यु भएको छ भने तीन युवक घाइते भएका छन् । गएराति १२ बजेर ४७ मिनेटमा मध्यपुरथिमि नगरपालिका–३ कौशलटारमा काठमाडौँतर्फ जादै गरेको बा ८ च ४७५६ नम्बरको कार दुर्घटना परेको हो ।
उक्त घटनामा परेर काठमाडौँ महानगरपालिका–४, धुम्बाराही पिपलबोट बस्ने ३० वर्षकी रिया श्रेष्ठको मृत्यु भएको छ भने मध्यपुरथिमी नगरपालिका– १, लोकन्थी बस्ने कार चालक २६ वर्षका रञ्जित कार्की, सोही नगरपालिका– ५ राधेराधे बस्ने वर्ष २६ का विजय देउजा सुर्यविनायक नगरपालिका– ४ गाम्चा बस्ने २७ वर्षका सुदप थापा घाइते भएका छन् ।
प्रहरी कार्यालय रानीपोखरीबाट सो खवर प्राप्त हुनासाथ घटनास्थल पुगेको र सडक किनारमा अचेत अवस्थामा लडेकी रियालाई तत्कालै उपचारार्थ मध्यपुर अस्पताल पु¥याएपनि चिकित्सकले मृत घोषणा गरेको प्रहरीले जानकारी दिएको छ ।
