पाल्पा,३० कार्तिक। हिन्दुधर्माबलीहरुको धार्मिक तथा सांस्कृतिक महत्व बोकेको राष्ट्रिय जनावर गाईको संरक्षणका लागि पाल्पामा पहिलो पटक गाई बचाउ अभियान सुरु गरिएको छ । कालीगण्डकी नदीको तातोपानी घाटमा गौशाला निर्माण गरी पाल्पामा गाइ संरक्षण अभियान थाल्एिको हो ।
धार्मिक, सास्कृतिक र आर्वेदिक चिकीत्सा विज्ञानमा गाईको मल मुत्रको ठुलो महत्व छ । त्यसैगरी कृषि क्षेत्रमा समेत गाईको महत्व भएकोले मलमुत्रको उपयोग गर्ने उद्देश्यले पाल्पामा पहिलो पटक गौशालाको निर्माण गरिे गाईको व्यवस्थापन गर्न लागिएको हो । २ सय रोपनी भन्दा बढि क्षेत्रफलमा चरनको व्यवस्थापन सहित स्थानीय जातको गाईको संरक्षण थालिएको छ ।
परिसरमा वर पिपल तथा तुलसी रोपण गरी धार्मिक पर्यटक प्रवद्र्धन गर्ने उद्देश्यले गौशालाको निर्माण गरिएको छ । हिन्दुधर्मावलीहरुले भगवान लक्ष्मीको प्रतिकका रुपमा पुज्ने गाईको संरक्षण जिल्लामा पहिलो पटक रामपुर नगरले सुरु गरेको हो ।
पतन्जली योग पिठ हरीद्वारको ११ लाख र रामपुर नगरको ६५ लाख रुपैयाको लागतमा निर्मीत गौशालामा १ सय ४२ वटा साना ठुला गाईहरु राखिएको छ । कालीगण्डकी नदीको किनारामा निर्मित गौशालामा स्थानीय बासिन्दाहरुले गोवद्र्धन पहाडको प्रतिक समेत निर्माण गरेका छन् । मानिसको जन्म र मृत्यु पश्चात गाईको महत्व बढि भएकाले गाईको सेवामा आफुलाइ समर्पित गरेको स्थानीयहरुको भनाइ छ ।
नगरपालिकाको सहयोगमा नगर स्तरको गौशाला निर्माण भएपछि गाईको संरक्षण गरिएको र गाईको मल मुत्रलाइ विविधिकरण गरिने नगरपाललिकाले जनाएको छ ।
जिल्लामा पहिलो पटक निर्मित गौशाला सगंसगै यस क्षेत्रको धार्मिक पर्यटन प्रवद्धन गर्न सकिने प्रशस्त संभावना छ । यस्ता कृयाकलापहरुमा प्रदेश र संघिय सरकारले समेत सहयोगका हातहरु फैलाए यस्ता गौशालाहरुको उचित व्यवस्थापन हुने देखिन्छ ।
