पाल्पा, १८ कार्तिक । बुटवलबाट पोखरा जाँदै गरेको कार दुर्घटनामा परेको छ । सिद्धार्थ राजमार्गको तानसेन–आर्यभाङ्ज्याङ् सडक खण्ड अन्तर्गत बगनासकाली–३, बेलौतीडाँडामा सोमबार बेलुकी साढे ५ बजेतिर कार दुर्घटना हुँदा दुई जना घाइते भएका छन् ।
बा १८ च ४३४१ नम्बरको कार अनियन्त्रित भई सडक देखि १५० मीटर तल खसेर दुर्घटनामा परेको प्रहरीले जनाएको छ । दुर्घटनामा परी बाँके कोहलपुर नगरपालिका ११ बस्ने ४८ वर्षका चक्र अधिकारी र सोही कारमा सवार रोल्पा नगरपालिका ४, लिवाङ् बस्ने वर्ष ४५ का किशोर आचार्य घाइते हुनुभएको छ ।
उनीहरुको उपचार तानसेन स्थित लुम्विनी मेडिकल कलेज प्रभासमा भईरहेको जिल्ला प्रहरी कार्यालय पाल्पाका प्रहरी नायव उपरीक्षक मदन गिरीले जानकारी दिनुभयो ।
