पर्सा, १५ भदाै । पर्सामा खुल्ला सीमामा तस्करी बढ्न थालेपछि प्रहरीले सक्रियता बढाएको छ । सिमावर्ती भारतीय शहर रक्सौलबाट अलौको बाटो हुदै भन्सार तस्करी बढ्न थालेपछि प्रहरी सक्रिय भएको हो । सीमा नाकाबाट चिनी, खाने तेल, हार्डवेयर र लत्ता कपडाहरू समेत प्रहरीले बरामद गरेको छ ।
वड़ा प्रहरी कार्यालय श्रीपुर गस्ती टोलीले विभिन्न मितिमा बरामद गरिएको सम्मानलाई सोमबार वीरगञ्ज भन्सार कार्यालयलाई बुझाएको छ । सामानको भन्सार मूल्य करिब १ लाख ५० हजार रहेको प्रहरीले जानकारी दिएको छ । साथै सशस्त्र प्रहरी बल बोर्डर आउट पोष्ट पकहा मैनपुरले अवैध कपडासहित भारतीय मोटरसाइकल समेत नियन्त्रणमा लिएको छ ।०००