काठमाडौं, ११ साउन । आइतबार नेपालमा कोरोना भाइरसका १ सय ३० जना नयाँ संक्रमित थपिएका छन् । योसंगै नेपालमा कोराना संक्रमितको संख्या १८ हजार ६ सय १३ पुगेको छ ।
स्वास्थ्य तथा जनसंख्या मन्त्रालयमा आयोजित नियमित पत्रकार सम्मेलनमा प्रवक्ता डाक्टर जागेश्वर गौतमले देशका विभिन्न प्रयोगशालामा गरिएको परीक्षणमा बिभिन्न जिल्लाका गरी १ सय ३० जनामा संक्रमण पुष्टि भएको जानकारी दिनुभयो ।
प्रवक्ता गौतमका अनुसार हालसम्म कूल संक्रमितमध्ये १३ हजार १ सय २८ जना उपचारपछि निको भएर घर फर्किएका छन । अहिले देशैभरी गरेर १७ हजार ९सय ३ जना क्वारेन्टिनमा रहेका छन भने ५ हजार ४ सय ४० जना आइसोलेशनमा उपचाररत छन् ।
