काठमाडौं, ६ साउन । काठमाडौं उपत्यकाको धेरै स्थानमा पछिल्लो छ घण्टामा भारी वर्षा मापन गरिएको छ। जल तथा मौसम विज्ञान विभागअन्तर्गतको बाढी सूचना केन्द्रले भारी वर्षापछि उपत्यका हुँदै बहने नदीनालाहरूमा बहाव बढ्ने जनाएको छ।
केन्द्रका अनुसार मनोहरा, हुनमन्ते, नख्खुलगायत ललितपुर र भक्तपुर भई बहने प्राय सबै नदीमा बहाव खतरा आसपास छ।
‘नदी र नालाको पानी सडक र बस्ती सम्म आउँन सक्छ’, केन्द्रले बिहान १० बजे जारी गरेको बुलेटिनमा भनिएको छ, ‘बेलुकासम्मै उच्च सतर्क रहाैं।’
जल तथा मौसम पूर्वानुमान महाशाखाले देशको अधिकाँश स्थानमा भारी वर्षा मापन गरेको छ।
