काठमाडौं, २६ माघ । नेपाल मजदुर किसान पार्टीका अध्यक्ष नारायणमान विजुक्छेले चीनबाट एक्कासी कोरोना भाइरस फैलनु संकास्पद भएको बताउनुभएको छ । आइतबार नेपाल क्रान्तिकारी किसान संघ भक्तपुर जिल्ला समितिको सातौं जिल्ला सम्मेलनमा बिजुक्छेले चीनमा कोरोना भाइरस फैलनुमा अमेरिकाकोहात रहेको हुन सक्ने आशंका व्यक्त गर्नुभयो ।
अध्यक्ष विजुक्छेले अमेरिकाले विभिन्न देशलाई आफूले बिबिध तरिकाले जित्न नसकेपछि विभिन्न भाइरस र रोग फैलाउँदै विश्व राजनीति गर्दै आएको भन्दै कोरोनाको पछाडी पनि अमेरिकाको हात रहेको हुन् सक्ने बताउनुभयो ।
अध्यक्ष विजुक्छेले चीनबाट फर्काउने विद्यार्थीलाई काठमाडौंमा राखे महामारी फैलिने सम्भावना बढ्ने भन्दै उपत्यका बाहिर राख्न सुझाव दिनुभयो ।
