काठमाडौं, २७ फागुन । वन तथा वातावरण मन्त्री शक्ति बहादुर बस्नेतले वन स्रोतको उचित परिचालनका लागि परम्परागत ज्ञान र सीपको पनि उपयोग गर्दै लैजानु पर्नेमा जोड दिएका छन् ।
मन्त्री बस्नेतले वन स्रोतको उपयोग स्थानीय समुदायको गरिवी निवारणमा केन्द्रित गर्नुपर्ने उल्लेख गरे । सोमबार राजधानीमा आयोजित एक कार्यक्रममा उनले गरिवी निवारण र जीविकोपार्जनमा वन क्षेत्रले उल्लेख्य योगदान दिन सक्ने बताए ।
मन्त्री बस्नेतले बाँस जस्ता स्रोतको उपयोग गरेर पनि स्थानीय जनतामा जीविकोपार्जनको कार्यक्रम संचालन गर्न सकिने उल्लेख गरे ।
